काठमाडौँ । सशस्त्र प्रहरीले दुई दिन निःशुल्क बस चलाउने भएको छ । सशस्त्र प्रहरी बलले आज र भोलि (असोज २५ र २६ गते) काठमाडौँको रिङरोडमा निःशुल्क बस सञ्चालन गर्ने भएको हो ।
आज बिहान ६ बजे बाट सुरु भएको निः शुल्क बसको पहिलो रुट सशस्त्र प्रहरी प्रधान कार्यालयबाट कलंकी, सातदोबाटो, कोटेश्वर, गौशाला, महाराजगन्ज, बालाजु रुटमा सञ्चालन गरिएको छ ।
यस्तै अर्को बस प्रधान कार्यालयबाट बालाजु, महाराजगन्ज, गौशाला, कोटेश्वर , सातदोबाटो, कलंकी रुटमा सञ्चालन गरिएको छ । चाडपर्बको समयमा सार्वजनिक गाडी कम गुड्ने भएकोले सर्वसाधारणको सुविधाको लागि बस सञ्चालन गरिएको जनाइएको छ । नेपाल प्रहरीले पनि निः शुल्क बस सेवा सञ्चालन गरेको छ ।