काठमाडौँ । बडादसैँको दुई दिनमा त्रिभुवन अन्तर्राष्ट्रिय विमानस्थल भएर ६३ हजार भन्दा बढिले हवाईयात्रा गरेका छ्न । असोज २४ गते फूलपाती र २५ गते (महाअष्टमी।महानवमी)मा आन्तरिक र अन्तर्राष्ट्रिय दुवैगरी ६३ हजार दुई सय ४२ जनाले हवाई यात्रा गरेका हुन ।
असोज २४ गते आन्तरिकतर्फ दुईतर्फी गरेर तीनसय एक उडानमार्फत १७ हजार तीनसय २९ र असोज २५ गते दुई सय ७८ उडानबाट १४ हजार चार सय ३६ गरी कुल ३१ हजार सात सय ६५ ले आन्तरिक उडानमा हवाई यात्र गरेको विमानस्थलका प्रवक्ता रिञ्जी शेर्पाले जानकारी दिएका छ्न ।
उनका अनुसार अन्तर्राष्ट्रियतर्फ असोज २४ गते दुईतर्फी एकसय सात उडानमार्फत १६ हजार ५ सय ९ र असोज २५ गते पनि एकसय सात उडान हुँदा १४ हजार ९ सय ६८ गरी कुल ३१ हजार चार सय ७७ ले हवाईयात्रा गरेका हुन ।
