काठमाडौं ।अर्थ मन्त्री विवादमा तानिए पछी अर्थ सचिव मधुकुमार मरासिनी अनिश्चितकालका लागि बिदामा बसेका छन् ।
बजेट निर्माण र विभिन्न विषयमा अर्थमन्त्री जनार्दन शर्मा विवादमा मुछिएपछि अर्थसचिव मरासिनी आज देखि अनिश्चितकालका लागि बिदामा बसेका हुन् । आज बिहान प्रधानमन्त्री शेरबहादुर देउवा, अर्थमन्त्री जनार्दन शर्मा र मुख्यसचिव शंकरदास वैरागीलाई भेटेर बिदामा बस्ने जानकारी गराएको बालुवाटार श्रोतले जनाएको छ । मरासिनीले जनार्दन शर्मा मन्त्री रहुन्जेल आफू मन्त्रालय नफर्किने समेत बताएका छन् ।
अर्थमन्त्री शर्मामाथि बजेट घोषणाको अघिल्लो रात अनधिकृत व्यक्तिलाई प्रवेश गराएर करका दर हेरफेर गरेको आरोप लागेको छ । नेकपा एमालेले मन्त्री को राजीनामा माग गर्दै आएको छ ।
