बारा । बारामा कटुवा पेस्तोलसहित २ जना पक्राउ परेका छन् । पक्राउ पर्नेमा सिम्रौनगढ नगरपालिका वडा नम्बर १ बस्ने २९ वर्षीय अनिल मुखिया र २५ वर्षीय गुड्डु मुखिया रहेका छन् ।
सिम्रौनगढ नगरपालिका वडा नम्बर १ स्थित नम्सगराढाठ पोखरीको डिलमा अनिल, गुड्डुलगायतका केही व्यक्तिले हतियार देखाई धम्की दिइरहेको छ भन्ने सूचनाको आधारमा पक्राउ गरिएको ईलाका प्रहरी कार्यालय सिम्रौनगढका प्रमुख प्रहरी निरीक्षक देवराज काफ्ले ले जानकारी दिए । ऊनीहरु लाई प्रहरी ले घेरा हालेर नियन्त्रणमा लिएको हो ।
उनीहरूको शरीर खातलासी गर्दा गुड्डु मुखियाको साथबाट कटुवा पेस्तोल फेला परेको प्रहरी निरीक्षक काफ्लेले जानकारी दिए ।
