काठमाडौं । सङ्खुवासभामा मलामी बोकेको ट्र्याक्टर दुर्घटना भएको छ ।
उक्त दुर्घटनामा परी दुई जनाको मृत्यु भएको छ । ट्र्याक्टर दुर्घटनामा घाइते भएका चैनपुर १० का २४ वर्षीय गंगाबहादुर तामाङ र चैनपुर ९ का ४६ वर्षीय केशव कार्कीको उपचारको क्रममा मृत्यु भएको प्रहरी ले जनाएको छ । उक्त ट्र्याक्टरमा ४४ जना सवार थिए ।
जिल्ला प्रहरी कार्यालय सङ्खुवासभाका प्रहरी निरीक्षक सरोज खनालका अनुसार पिलुवा खोलामा मृतकको दाहसंस्कार गरी लेगुवा–खाँदबारी सडक खण्ड हुँदै खराङबाट फर्किने क्रममा चैनपुरको दुम्कटा भन्ने ठाउँमा को १ त ३९६१ नम्बरको ट्र्याक्टर दुर्घटना भएको हो । घाइतेहरूको तुम्लिङटारमा रहेकाे मनकामना अस्पताल र जिल्ला अस्पताल खाँदबारीमा उपचार भइरहेको प्रहरी ले जनाएको छ ।
ट्र्याक्टर चालक चैनपुर १० का ३४ वर्षीय मोहनकुमार तामाङलाई प्रहरीले पक्राउ गरेकाे छ ।
