काठमाडौं । मधेस प्रदेश सरकारले आगामी आर्थिक वर्ष २०७९/८० को बजेट आज पारित गर्ने तयारी गरेको छ।
शुक्रबार विभिन्न मन्त्रालयका बजेटमाथिको छलफल सकिएसँगै आज बजेट पारित गर्न लागिएको हो।
दिउँसो १ बजे बस्ने प्रदेशसभाको बैठकबाट बजेट पारित गर्ने कार्यसूची रहेको मधेस प्रदेशको प्रदेशसभा सचिवालयका सचिव रञ्जितकुमार यादवले बताए ।
प्रदेशका अर्थमन्त्री शैलेन्द्रप्रसाद साहले आगामी आर्थिक वर्षका लागि गत असार १ गते ४६ अर्ब ८८ करोड ९ लाख ४६ हजारको बजेट प्रदेशसभामा पेस गरेका थिए।