काठमाडौं । हिमालयन हाइड्रोपावरको आइपिओ बाँडफाँड भएको छ ।
आज कम्पनीका धितोपत्र निष्कासन तथा बिक्री प्रबन्धक ग्लोबल आइएमई क्यापिटलले आइपीओ बाँडफाँट गरेको हो । उक्त आइपिओमा आवेदन दिएका कुल १५ लाख ९५ हजार ५५४ जना मध्ये १ हजार ७५८ जना आवेदकको आवेदन रद्द भएको छ। बाँकी १५ लाख ९३ हजार ७९६ योग्य आवेदकमध्ये १ लाख ८३ हजार ४७ जनालाई १० कित्ता र २ जनाले ११ कित्ताका दरले सेयर पाएका छन् ।
असार १५ गतेदेखि १९ गतेसम्म कम्पनीले शेयर बिक्रीमा ल्याएको कुल १९ लाख ६८ हजार २५० कित्ता मध्ये ९८ हजार ४१३ कित्ता सामुहिक लगानी कोष र ३९ हजार ३६५ कित्ता कर्मचारीहरुका लागि छुट्याइएको थियो। भने, बाँकी १८ लाख ३० हजार ४७२ कित्ता मात्रै सर्वसाधारणको लागि निष्काशन गरेको थियो।
