काठमाडौं । नेपालमा कोरोना संक्रमण बढ्दै गएको छ । पछिल्लो २४ घण्टामा थप २६० जनामा कोरोना संक्रमण पुष्टि भएको छ । ३८४४ जनाको परिक्षण गर्दा २६० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा ४८ जना डिस्चार्ज भएका छन् । नेपालमा हाल सक्रिय संक्रमित १ हजार १ सय ७१ रहेकोे मन्त्रालय ले जनाएको छ । सोही अवधिमा ७२ हजार ३ सय २० जनाले कोरोना विरुद्धको खोप लगाएका छन् ।