काठमाडौं । नेपाल क्रिकेट टिमका पुर्व कप्तान समेत रहेका क्रिकेटर सन्दीप लामिछानेको शनिवार रातिको एउटा स्टाटसले उनी सन्यास लिन लागेको भनेर चर्चा सुरु भएको छ ।
लामिछानेले सन्यास लिने अड्कललाई बल पुर्याउन खालको स्टाटस लेखेका छन । उनको भावुक स्टाटसले अहिले फ्यानहरू त्यस्तो प्रतिक्रिया दिन थालेका छन ।
यद्यपि लामिछानेको पोष्टमा सन्यास बारे प्रष्ट रुपमा उल्लेख गरिएको छैन ।
“यो देश र यस सुन्दर राष्ट्रका अविश्वसनीय मानिसहरू सधैँ मेरो साथमा उभिएका छन्, मेरो यात्राको हरेक पाइलामा अटल समर्थन प्रदान गर्दै। तपाईँको माया र प्रोत्साहन मेरो लागि संसारको अर्थ हो र सधैँभरि मेरो हृदयमा विशेष स्थान राख्नेछ” उनको पोष्टमा उल्लेख छ ।
