काठमाडौं ।पोखराबाट मुस्ताङको जोमसोमका लागि उडेको तार एयरको विमान सम्पर्कविहीन भएपछि त्यसको खोजीका लागि हेलिकोप्टर परिचालन गरिएको छ।९:५५ मा १९ जना यात्रु र ३ जना चालक दलका सदस्य लिएर उडेको विमान १०:०७ देखि सम्पर्कविहीन भएको तारा एयरका प्रवक्ता सुदर्शन बर्तौलाले जानकारी दिए ।
विमानमा चालक दलका ३ सदस्यका अलावा ४ भारतीयसहित ६ विदेशी र १३ नेपाली यात्रु सवार थिए । त्रिभुवन अन्तर्राष्ट्रिय विमानस्थलका महाप्रबन्धक प्रेमनाथ ठाकुरका अनुसार अन्तिमपटक घोडेपानी क्षेत्रबाट सम्पर्क स्थापित भएको थियो । त्यसयता विमान सम्पर्कविहीन छ ।अहिले मौसम पनि प्रतिकुल रहेको जनाइएको छ । विमान खोजिका लागि सम्पूर्ण प्रयासहरु जारी छ ।
