काठमाडौं । काठमाडौं महानगरपालिका र सिसडोल–बञ्चरे डाँडाबिच काठमाडौंको फोहोर उठाउने सहमति भएको छ।
बिहिबार राति १ बजे सम्म चलेको आन्दोलनरत स्थानीयदेखि वडा अध्यक्षहरको संयुक्त बैठकले फोहोर उठाउने सहमति भएको हो ।बञ्चरे डाँडाका स्थानीय ले फोहोर विसर्जन मा बारम्बार अवरोध गर्दै आएका थिए ।
दुई पक्षबिच फोहोर ढुवानी रातिको समयमा गर्ने, रातिको लागि आवश्यक पूर्वाधार बत्ती तथा बाटोको निर्माण तीन महिनाभित्र गर्ने, सिसडोल र बञ्चरे डाँडामा फोहोरको दुर्गन्ध नआउने गरी काठमाडौं महानगरपालिकाले एक महिनाभित्र व्यवस्थापन गर्ने, सहरी विकास मन्त्रालयमा भएको प्रतिबद्धताको कार्यान्वयन गर्न पहल गर्ने लगायत १८ बुँदे सहमति भएको छ।
आजदेखि उपत्यकाको फोहो उठ्ने भएको छ।
