काठमाडौं । एएफसी एसियन कप २०२३ छनोट खेलमा नेपालले लगातार दोस्रो हार बेहोरेको छ । शनिबार राति भएको दोस्रो खेलमा नेपाल कुवेतसँग ४-१ गोल अन्तरले पराजित भएको हो ।
घरेलु टोली कुवेतलाई जित हासिल गर्न कुवेतको तर्फ बाट युसुफ नास्सेरले दुई गोल गरेका थिए भने फहद अलरेसिदी र मोवारक अल फानेनीले समान एक-एक गोल गरेका हुन ।
नेपालका लागि दर्शन गुरुङले एक गोल फर्काए ।
कुवेतले छनोटमा पहिलो जित निकाल्दा नेपालले लगातार दोस्रो हार बेहोरेको छ । पहिलो खेलमा नेपाल जोर्डनसँग २-० गोल अन्तरले पराजित भएको थियो ।
कुवेती नागरिक अल्मुताइरी नेपाली फुटबल टिमका प्रशिक्षकका रुपमा छन्। उनी नेपाली टिमको प्रशिक्षक बनेर दोस्रो पटक आफ्नो जन्म देश कुवेत पुगेका हुन्।
