काठमाडौं । पछिल्लो २४ घण्टामा देशभर १९ जनामा कोरोना संक्रमण पुष्टि भएको छ ।
२ हजार १६२ जनाको पीसीआर परीक्षणमा ११ जना र १ हजार २९१ जनाको एन्टीजेन परीक्षणमा ८ जना गरी १९ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार १२ जना निको भएका छन् भने हाल देशभर १०६ जना सक्रिय संक्रमित रहेका छन् । जसमध्ये १०५ जना होम आइसोलेसनमा रहेका छन् ।
यो संगै हाल सम्म नेपालमा कोरोना संक्रमितको संख्या ११ लाख १९ हजार ६०० पुगेको छ भने मृत्यु हुनेको संख्या ११ हजार ९५२ पुगेको छ त्यस्तै ९ लाख ६७ हजार २०४ जना संक्रमणमुक्त भएका छन् ।
