काठमाडौं । सरकारले बेलायतमा रोजगारीका लागि नेपाली नागरिक पठाउने प्रक्रिया सुरु गरेको बताएको छ ।
मासिक करिब ४ लाख तलब प्राप्त हुने गरी १० हजार नर्स पठाउन लागिएको श्रम, रोजगार तथा सामाजिक सुरक्षामन्त्री कृष्णकुमार श्रेष्ठले जानकारी दिएका छन् ।
बजेटको मन्त्रालयतगत शीर्षकमाथिको छलफलमा उठेका प्रश्नहरुको जवाफ दिँदै सोमबार प्रतिनिधि सभाको बैठकमा मन्त्री श्रेष्ठले १० हजार नर्स बेलायत पठाउने गरी सम्झौता गर्न लागेको जानकारी दिएका हुन् ।
मन्त्री श्रेष्ठका अनुसार जापान, कोरिया, न्युजिल्याण्ड लगायतका देशमा श्रमिक पठाउनका लागि समेत पहल भइरहेको छ ।
