काठमाडौं । बाँकेको राप्ती सोनारी गाउँपालिका–९ स्थित पूर्व–पश्चिम राजमार्गमा एक जनाको मृत्यु भएको छ भने अर्का एक जना घाइते भएका छन् ।
शनिबार कोहलपुरतर्फ आइरहेको ना ५ ख ४२०४ नम्बरको ट्रकले भे११प ७०५ नम्बरको मोटरसाइकललाई ठक्कर दिदा दुर्घटना भएको हो । उक्त दुर्घटनामा परि मोटरसाइकलमा सवार बाँकेको बैजनाथ गाउँपालिका–२ की २८ वर्षीया दीपिका खत्रीको मृत्यु भएको छ भनेको उनका श्रीमान मोटरसाइकल चालक ३५ वर्षीय दिलबहादुर कटुवाल घाइते भएको प्रहरी ले जनाएको छ ।
ट्रकको ठक्करबाट गम्भीर घाइते भएकी दीपिकाको उपचारका क्रममा शिक्षण अस्पताल कोहलपुरमा मृत्यु भएको प्रहरी ले जनाएको छ । यता ठक्कर दिने ट्रक र चालक नवीन आचार्यलाई प्रहरीले नियन्त्रणमा लिएको छ ।
