बडा दसैं बडा र धनी सँगै गरीबलाई पनि लागोस् ,-२
घरमा भएका दु:ख र पीडा घरमा आएको चोर झै भगोस् ,
के – के चोर्न सक्छ दुःख र पीडाले ? – २
पौरख, इमान्दारी र माता भगवतीको आशीर्वादले सबैको भाग्य जागोस् ,
खाडीमा झरेका आँसु र पिँढीमा छोरा कुर्दै बसेकी आमालाई पनि दसैं लागोस् ,-२
यसपालीको दसैँमा जमाराले सबैलाई जुराओस्,
सबै बेसरी मुस्कुरोस्, तर
सन्तानलाई टिको लगाउन नपाएर खाडीमा अझै न रुवाओस्,
जीवनमा सुख र दुःखको सन्तुलन बानिरहोस्,-२
विजया दशमी झै सधैं सत्यको जीत होस्,
न्याय शसक्त र अन्याय रहित नेपाल होस्,
मान प्रतिष्ठा बढिरहोस् सबैको,
विपत्ति कसैको शिरोधार्य नहोस्,
यस पालीको बडा दसैं बडा र धनी सँगै गरीबलाई पनि लागोस्,
माता भगवतीको आशिषले नेपाल र नेपालीको पनि भाग्य जागोस् ।
– आलोक कु. चौधरी
