बारामा लागुऔषध चरेशसहित पक्राउ परेकी लालसा देवी।
वीरगन्ज : बारामा लागुऔषध चरेशसहित एक महिला पक्राउ परेकी छन्। बाराको कलैया उपमहानगरपालिका १० स्थित नेपाल भारत सीमा नजिकबाट प्रहरीले चरेशसहित पर्साको पोखरीया नगरपालिका ४ की ४१ वर्षीया लालसा देवी रौनीयारलाइ पक्राउ गरेको हो। उनको साथबाट १४ वटा पोकामा रहेको ७ किलो ५ सय ग्राम तयारी चरेश बरामद भएको बाराका प्रहरी प्रवक्ता प्रहरी नायव उपरिक्षक गौतम मिश्रले जानकारी दिए। नेपालबाट चरेश लिएर पदैल भारततर्फ जाँदै गरेकी लालसा देवीलाइ प्रहरीले रोकेर खानतलाशी गर्दा कम्मर र दुवै तिघ्रामा लुकाएर राखिएको अवस्थामा १४ पोका चरेश बरामद भएको मिश्रले बताए।
चरेशसहित पक्राउ परेकी लालसा देवीलाई जिल्ला प्रहरी कार्यालयको हिरासतमा राखेर लागूऔषध मुद्दामा थप अनुसन्धान भइरहेको प्रहरी नायव उपरिक्षक मिश्रले जानकारी दिए। Source :- aanapurna post
