काठमाडौ । सरकारले गणतन्त्र दिवसको अवसरमा ८ सय ३४ जना कैदीको सजाय मिनाहा गरेको छ ।
बुधबार बसेको मन्त्रिपरिषद् बैठकले मन्त्रिपरिषद् बैठकले उनीहरुलाई जेठ १५ गतेदेखि लागू हुनेगरी गणतन्त्र दिवस २०७९ को अवसरमा माफी मिनाह गरेको हो ।
राष्ट्रपति कार्यालयका प्रवक्तासमेत रहेका उपसचिव केशवप्रसाद घिमिरेले जारी गरेको विज्ञप्तीमा कानुनी व्यवस्था बमोजिम मिनाहको निर्णय भएको उल्लेख गरिएको छ । राष्ट्रपतिको कार्यालयले विज्ञप्ती मा असल चालचलन भएका खङ्ग श्रेष्ठ लिम्बुसमेतका २ सय ७१ जना र नरबहादुर साँवासमेतका ५ सय ४७ गरी जम्मा ८ सय १८ जना कैदीबन्दीको बाँकी कैद सजाय माफी मिनाह भएको जनाइएको छ ।
नेपालको संविधानको धारा २ सय ७६, फौजदारी कसूर ऐन, २०७४ को कसूर (कैदकट्टा) नियमावली, २०७६ को नियम ३ तथा सर्वोच्च अदालतको आदेशसमेतका आधारमा गणतन्त्र दिवसको अवसरमा उनीहरुको कैद माफी मिनाह सरकारले गर्दै आएको छ ।
