काठमाडौं । काठमाडौंको फोहोर विसर्जन गर्न आज पनि अवरोध भएको छ । काठमाडौं महानगरपालिकाले सिसडोल क्षेत्रका स्थानीयले आज पनि फोहोर फाल्न रोकेको जनाएको छ ।
सोमबार काठमाडौंमा बन्चरेडाँडामा फोहोर फाल्नेसम्बन्धी त्रिपक्षीय सम्झौता भएको थियो । उक्त सम्झौताले आफूहरूका माग पूरा नगरेको भन्दै स्थानीय आन्दोलित छन् । हिजो पनि स्थानीय ले अवरुद्ध गरेका थिए । पछी प्रहरी ले बलप्रयोग गरेर फोहोर विसर्जन गरिएको थियो ।प्रहरीले धरपकड गरेको भन्दै त्यहाका स्थानीय आक्रोशित समेत भएका थिए । बिगत १० दिन भन्दा बढी देखि उपत्यकाका शहरबाट फोहोर उठाइएको छैन ।
