चितवन । चितवनमा ट्याङ्कीमा खसेर दुई जनाको मृत्यु भएको छ । भरतपुर महानगरपालिका वडा नम्बर १९ तमु टोलमा बुधबार साँझ सेफ्टी ट्याङ्कीमा खसेर दुई जनाको मृत्यु भएको हो ।
स्थानीय रामप्यारी गुरुङको घरमा सेफ्टी ट्याङ्की सफा गर्ने क्रममा उनीहरूको मृत्यु भएको जिल्ला प्रहरी कार्यालय चितवनले जानकारी दिएको छ ।
मृत्यु हुनेमा कपिलवस्तुको शिवराज नगरपालिका–९ घर भएका २४ वर्षीय छतिराम चौधरी र २३ वर्षीय रामु भनेर चिनिने डाक्टर चौधरी रहेका छन् ।
सफाइ गर्ने क्रममा छतिराम चिप्लिएर ट्याङ्कीमा खसेपछि उद्धार गर्न ट्याङ्की भित्र पसेका उनका भिनाजु नाता पर्ने डाक्टर चौधरीको पनि ट्याङ्कीमा पसेर मृत्यु भएको प्रहरी ले जनाएको छ ।
