तेह्रथुम । ट्र्याक्टर दुर्घटनामा परी तेह्रथुममा चालकको घटनास्थलमै मृत्यु भएको छ । म्याङलुङ नगरपालिका वडा नम्बर १ को स्थित म्याङलुङबाट तमोर नदीतर्फ जाँदै गरेको प्रदेश१–०२–००३त ४९८ नंको ट्र्याक्टर गए राति आफैँ अनियन्त्रित भई सडकबाट करिब १०० मीटर तल झरी दुर्घटना भएको प्रहरी ले जनाएको छ ।
दुर्घटनामा ट्र्याक्टर चालक फेदाप गाउँपालिका वडा नम्बर ५ इसिबुका २६ वर्षीय रविन खापुङको घटनास्थलमै मृत्यु भएको जिल्ला प्रहरी कार्यालय तेह्रथुमले जनाएको छ । घटनाबारे प्रहरीले थप अनुसन्धान गरिरहेको जनाएको छ ।