काठमाडौं । सर्लाहीमा आफ्नै मामाको हत्या गरेको आरोपमा एक युवक पक्राउ परेका छन् । पक्राउ पर्नेमा लालबन्दी नगरपालिका वडा नम्बर ११ हिरापुरका ३१ बर्षीय रवि विकले रहेको जिल्ला प्रहरी कार्यालय सर्लाही का प्रब्क्ता माधवप्रसाद बुढाथोकीले जानकारी दिएका छन् ।
विकले शनिबार बिहान आफ्नै मामा ४५ वर्षीय अशोक विकको हत्या गरेको प्रारम्भिक अनुसन्धानबाट देखिएको प्रब्क्ता बुढाथोकीले जानकारी दिए ।
रविको काकाको बारीमा दुबै जना काम गरिरहेको बेला विवाद हुँदा रविले अशोकको टाउकोमा बाँसको भाटाले हिर्काएका थिए । गम्भीर घाइते भएका अशोकलाई उपचारका लागि अस्पतालतर्फ लग्दै गर्दा बाटोमा नै मृत्यु भएको प्रहरी ले जनाएको छ ।
उनलाई पक्राउ गरि थप अनुसन्धान अगाडि बढाइएको बुढाथोकीले जानकारी दिएका छन् ।