काठमाडौं । भारतीय ग्याँस बुलेटको ठक्करबाट दुई जनाको मृत्यु भएको छ । भारतबाट ग्याँस बोकेर आएको एनएल०१एल २९७१ नम्बरको ग्याँस बुलेटले हेटौंडा बजारतर्फ आउँदै गरेको ना६१प ४५९७ नम्बरको मोटरसाइकलाई हेटौंडा उपमहानगरपालिका वडा नम्बर ९ स्थित पशुपतिनगरमा पछाडिबाट ठक्कर दिंदा बाबु-छोरीको मृत्यु भएको प्रहरी जनाएको छ ।
मृत्यु हुनेमा ५५ वर्षीय बावु ईश्वरकुमार तामाङ र उनकी २६ वर्षीय छोरी अमिना तामाङ रहेकोे जिल्ला प्रहरी कार्यालय मकवानपुरले जनाएको छ ।
मोटरसाइकल उछिट्टिएर घाइते भएका उनीहरू दुबैलाई हेटौंडा अस्पतालमा ल्याउने बित्तिकै चिकित्सकले मृत घोषणा गरेको प्रहरी ले जनाएको छ ।
