काठमाडौं । काठमाडौँ मा संरक्षित वन्यजन्तु हिउँ चितुवाको छालासहित तीन जना पक्राउ परेका छन् ।
पक्राउ पर्नेमा धादिङ खानियाबास गाउँपालिका–२ झार्लुङका ४८ वर्षीय खार्पा तामाङ, धादिङ गङ्गाजमुना गाउँपालिका–६ आरुबोटेका ३९ वर्षीय सुकबहादुर घले र सोही गाउँपालिका–६ बस्ने ४१ वर्षीय सूर्यबहादुर घले रहेका छन् ।
अवैधरुपमा संरक्षित वन्यजन्तुको आखेटोपहार ओसारपसार गरी खरिद बिक्री गर्न लागिएकोे सूचनाको आधारमा ऊनीहरु तिनै जना लाई प्रहरी ले टोखा नगरपालिका वडा नम्बर १० गोङ्गबुबाट पक्राउ गरेको हो ।
उनीहरूलाई आवश्यक करवाहीको लागि डिभिजन वन कार्यालय हात्तीसार काठमाडौँमा बुझाइएको व्यूरोले आज एक सूचना जारी गरी जनाएको छ ।
