काठमाडौं । नेपालले एसीसी यु-१६ इस्ट जोन कप क्रिकेटको उपाधि जितेको छ । आज भएको फाइनल खेलमा मलेसियालाई २ सय २१ रनले हराउँदै च्याम्पियन बनेको हो ।
फाइनल खेलमा २ सय ५३ रनको लक्ष्य दिएको थियो । उक्त लक्ष्य लाई पछ्याउदै मलेसिया १४ ओभर ५ बल ३१ रनमा अलआउट भएको हो ।
समूह चरणमा नेपाल थाइल्यान्डलाई २ सय २५ र मलेसियालाई ८४ रनले हराउँदै सेमिफाइनलमा पुगेको थियो । सेमिफाइनलमा नेपालले सिङ्गापुरलाई ९७ रनले हराउँदै फाइनल खेलेको हो । नेपाल तेस्रो पटक १६ वर्षमुनिको इस्ट जोन कपको उपाधि जित्न सफल भएको छ ।