काठमाडौं । नेपाली राष्ट्रिय क्रिकेट टिमका स्पिनर सन्दीप लामिछाने एसिया कप खेल्न जाने पक्का भएको छ । बलात्कारको मुद्धा खेपी राखेका लामिछाने आगामी आइतबार राती पाकिस्तान जाने पक्का भएको हो ।
सन्दीपको आइतबार काठमाडौं जिल्ला अदालतमा पेसी छ । त्यसपछि सन्दीप एसिया कप खेल्न जाने उनका वकिल सरोज घिमिरेले बताए । नेपाली क्रिकेट टोली एसिया कप खेल्न बुधबार नै पाकिस्तान पुगिसकेकाे छ ।
एसिया कप ३० अगष्ट देखि १७ सेप्टेम्बर सम्म हुनेछ । नेपालले १३ भदौ (३० अगष्ट) मा पाकिस्तानसँग मुल्तानमा खेल्नेछ । नेपालले भदौ १८ (सेप्टेम्बर ४) मा भारतसँग श्रीलंकाको कान्डीमा खेल्नेछ । नेपालले आफ्नो इतिहासमा पहिलो पटक भारत र पाकिस्तानसँग खेल्दैछ ।
