काठमाडौँ । काठमाडौँ महानगरपालिकाले बानेश्वरको आकासे पुलमा ज्येष्ठ नागरिकलाई लक्षित गरी लिफ्ट राख्ने तयारी गरेको छ ।
उक्त पुलको दुवै पट्टी एक/एक वटा लिफ्ट राख्ने तयारी भएको महानगरका ट्राफिक विज्ञ सल्लाहकार जगतमान श्रेष्ठले बताए ।
लिफ्ट ज्येष्ठ नागरिकप्रति लक्षित गरेर राखिने भए पनि अन्य शारीरिक रूपमा असक्षम, अपाङ्गता भएका नागरिक तथा बालबालिकाले प्रयोग गर्न सक्ने श्रेष्ठले बताए । उनका अनुसार लिफ्टमा एक पटकमा आठ जनाले सेवा लिन सक्नेछन् ।