काठमाडौँ । काठमाडौँ महानगरपालिकाका प्रमुख बालेन्द्र साहले खेल प्रति अरूलाई पनि प्रेरित गर्न अपिल गरेका छ्न । उनले आज देखि सुरु भएको राष्ट्रपति रनिङ शिल्ड प्रतियोगिता कार्यक्रम लाई सम्बोधन गर्दै मेडल ल्याउनु ठुलो कुरा नभएको भन्दै अरूलाई पनि प्रेरित बनाएर आफूसँगै खेल्ने बनाउनु ठुलो कुरा रहेको बताए ।
उनले भने, ‘‘आजबाट सुरु हुने तीन दिने राष्ट्रपति रनिङ शिल्डमा अहिले ३२ सय जना विद्यार्थीहरूले भाग लिनुभएको छ । आगामी दिनमा बढाएर बिस्तारै पाँच हजार १० हजारले भाग लिनुहोस । मेडल ल्याउनु ठुलो कुरा होइन, अरूलाई पनि इन्स्पायर बनाएर आफूसँगै खेल्ने बनाउनु ठुलो कुरा हो । भोलिका दिनमा वर्ल्डकप ल्याउनुस्, ओलम्पिक जित्नुस भनेर म भन्दिनँ । त्यो प्रेसर दिन चाहन्न । तपाईँहरूले आफूसँगै अरूलाई प्रेरित गर्नुस ।’’