काठमाडौं । सिरहामा करेन्ट लागेर एक मजदुरको मृत्यु भएको छ। मृत्यु हुनेमा गोलबजार नगरपालिका वडा नम्बर १ का २६ वर्षीय गोपाल पूर्वे रहेकोे प्रहरी ले जनाएको छ ।
मनोजकुमार सिंहको घर प्लाष्टर गर्न आइतबार बिहान बाँस ठड्याउने क्रममा विद्युतको नांगो तारमा ठोकिँदा करेन्ट लागेर उनको मृत्यु भएको हो ।
करेन्ट लागेर घाइते भएका पूर्वे लाई स्थानीय स्वास्थ्य केन्द्रमा पुर्याए पनि मृत घोषणा गरेको प्रहरीले जनाएको छ।घटनाबारे थप अनुसन्धान भइरहेको प्रहरीको भनाइ छ।