काठमाडौं । काठमाडौँ जिल्ला अदालतका न्यायाधीश राजकुमार कोइराला र अधिवक्ता रुद्र पोखरेलबीच घुस डिल गरेको भिडियो बाहिरीए पछी न्यायपरिषद्को आकस्मिक बैठक बस्दै अहिले बस्दै छ ।
न्यायाधीश र वकिलबीच व्यवसायी इच्छाराज तामाङलाई धरौटीमा छुटाउन भएको घुस लेनदेनबारेको अडियो सार्वजनिक भए पछी कामु प्रधानन्यायाधीश दिपक कुमार कार्कीले न्यायपरिषद्को आकस्मिक बैठक दिउँसो १ बजे बोलाएका हुन । उक्त अडियो न्युज २४ बाट प्रशारण हुने कार्यक्रम सिधा कुरा जनता संग मा बाहिरिएको थियो ।
न्यायपरिषद् बैठकमा अडियोमा नाम मुछिएका निलम्बित प्रधानन्यायाधीश चोलेन्द्र शम्शेर जबरा र काठमाडौँ जिल्ला अदालतका न्यायाधीशहरु राजुकुमार खतिवडा र अम्बिकाप्रसाद निरौलाको भूमिकामाथि पनि छलफल हुने भएको छ ।
सार्वजनिक भएको अडियोमा तामाङलाई १० करोडमा छुटाउँदा २ करोड आफूहरुलाई आउने भन्दै पोखरेलले कोइरालालाई भनेका छन् । त्यसमा कोइराला आफू तयार रहेको तर माथिल्लो निकायबाट पनि जानकारी आउनुपर्ने कुरा उल्लेख गरेका छन् ।
