काठमाडौं । चिनियाँ कम्पनी ह्वावेले आफ्नो नयाँ स्मार्टवाच जीटी थ्री प्रो नेपाल मा भित्राएको छ । 
नेपाल भित्रिएको उक्त स्मार्टवाचले मुटुको धड्कन मापन गर्ने देखि ईसीजी गर्दा प्राप्त हुने सबै प्रकारको स्वास्थ्य रिपोर्ट देखाउने छ ।
अन्य मुलुकमा यो स्मार्टवाच दुईवटा साइजमा उपलब्ध भए पनि नेपाल मा हाल ४६ एमएममा मात्र उपलब्ध हुने कम्पनीले जनाएको छ । ४६ इन्चको वाच ‘टाटनम’ बाट बनेको हो भने ४३ एमएम सेरामिक भेरियन्टमा आएको छ । उक्त घडिमा १.४३ इन्चको एमोलेड डिस्प्ले उपलब्ध छ । कम्पनी ले दाबी गरे अनुसार ४६ एमएम भेरियन्टको वाचमा १४ दिनसम्म टिक्ने ब्याट्री रहेको छ ।
उक्त स्मार्टवाच हार्मोनी अपरेटिङ सिस्टम २.० मा आधारित छ, जुन एन्ड्रोइड ६ र आईओएस ९ माथिका डिभाइसमा पनि कम्प्याटिबल रहेको कम्पनीले जनाएको छ । मुख्यत यो स्मार्टवाचले पानी प्रतिरोधात्मक झन सरल हुने देखिएको छ । यो घडि ३० मिनेट सम्म डाइभिङ गर्दा पनि केही नहुने कम्पनीको जनाएको छ।
साथै यसमा ३०० भन्दा बढि गल्फ कोर्सको म्याप भएको कारण यो घडि अझ आकर्षक र उपयोगी हुने कम्पनीको दाबी रहेकोे छ । उक्त स्मार्टवाछमा ५३० एमएएचको नन-रिमुभेबल ब्याट्री रहेको छ, जसले वायरलेस चार्जिङ सपोर्ट गर्न सकिने कम्पनी ले जनाएको छ । कम्पनीले स्मार्टवाच जीटी थ्री प्रो नेपाल मा भित्राए संगै यसकाे मूल्य ४७ हजार ९ सय ९० रुपैयाँ कायम गरेको छ ।
