काठमाडौं । साफ महिला च्याम्पियनसिपमा उत्कृष्ट गोलरक्षक घोषित बंगलादेशकी रुपना चक्माको घर सरकारले बनाइदिने भएको छ । उनको घर सरकारले बनाइदिने बंगलादेशकी प्रधानमन्त्री शेख हसिनाले घोषणा गरेकी हुन
बंगलादेशको नानिआर्चर उपजीलाकी बासिन्दा रुपनाको कमजोर स्थितिलाई मध्यनजर गर्दै सरकारले उनलाई घर बनाइदिने भएको हो । रुपनाले मंगलबार आफ्नो फेसबुकमा पोस्ट गर्दै सरकारी प्रतिनिधिलाई धन्यवाद दिएकी छिन् ।नेपालमा सोमबार सम्पन्न साफ महिला च्याम्पियनसिपमा उत्कृष्ट गोलकिपरको ट्रफी जितेकी १८ वर्षीय चक्मा रंगमाटीकी नानियारचरकी हुन् । साफको फाइनलमा घरेलु टिम नेपाललाई ३–१ गोलले पराजित गर्दै बंगलादेशले पहिलो पटक उपाधि जितेको थियो ।
बंगलादेशले पहिलोपटक साफको उपाधि जिते लगत्तै गोलकिपर रुप्नाको जिर्ण घरको तस्बिर सामाजिक सञ्जालमा भाइरल भएको थियो । भाइरल तस्बिर पछी बङ्ग्लादेश सरकारले यस्तो निर्णय गरेको हो ।