काठमाडौं । दक्षिण अफ्रिकामा जारी अभ्यास खेलमा एकदिवसीय विश्वकप छनोटका लागि नेपाली टिमले स्कटल्यान्डसमक्ष १३६ रनको सामान्य लक्ष्य प्रस्तुत गरेको छ ।
आज दक्षिण अफ्रिकाको टक्स ओभलमा टस हारेपछि ब्याटिङमा आएको नेपाल २८.५ ओभरमा १३५ रन बनाएर अलआउट भएको हो ।
नेपालले दक्षिण अफ्रिकामा नेदरल्यान्ड्स र स्कटल्यान्डसँग दुई तयारी खेल खेल्ने छ । दक्षिण अफ्रिकामा १० दिनको तयारीपछि नेपाली टिम विश्वकप छनोटका लागि जिम्बाब्वे प्रस्थान गर्ने छ ।
विश्वकप छनोटको समूह ‘ए’मा रहेको नेपालले जुन १८ मा घरेलु टिम जिम्बाब्वेविरुद्ध खेल्दै प्रतियोगिताको सुरुवात गर्ने छ ।
