काठमाडौँ । नेपाली राष्ट्रिय टाेलीका स्पिनर सन्दीप लामिछाने र अलराउन्डर दीपेन्द्रसिंह ऐरीले एसीसी इमर्जिङ टिम्स एसिया कप नखेल्ने भएका छन् ।
क्यानडाको ग्लोबल टी–२० लिग खेल्न जाने भएका कारण दुवै खेलाडी श्रीलङ्कामा हुने एसिसी इमर्जिङ टिम्स कप गुमाउने भएका हुन् । जिम्बावेमा भएको आईसीसी एकदिवसीय विश्वकप छनोट खेलेर आज शुक्रवार स्वदेश फर्किएपछि नेपाली टाेलीका कप्तान रोहित पौडेलले पत्रकारहरु संग को कुराकानीमा दुई जना खेलाडीले एसीसी इमर्जिङ टिम्स एसिया कप गुमाउने बताए ।
इमर्जिङ टिम्स एसिया कप जुलाई १३ देखि २३ सम्म हुँदैछ । जुलाई २० देखि अगस्ट ६ सम्म हुने ग्लोबल टी–२० क्यानडा लिगमा नेपालबाट सन्दीप र दीपेन्द्र छानिएका हुन् ।
