काठमाडौं । फुटपाथ व्यवसायीलाई अमानवीय तरिकाले हटाइएको विरोधमा शान्तिपुर्ण विरोध जनाइरहेका अभियन्ता ‘ई’ लाई भेट्न काठमाडौं महानगरपालिकाकी उपमेयर सुनीता डङ्गोलले पुगेकी छन् ।
अभियन्ता ‘ई’ ले राष्ट्रिय सभा गृह अगाडि उभिएर विरोध जनाइरहेका छन । भेटन पुगेकी उपमेयर डङ्गोलले फुटपाथ व्यवसायीहरूलाई विकल्प दिने नीति बनाउन आफूले प्रयास गर्ने तर आफ्नो भूमिका सीमित रहने बताए ।
भेट पछी ‘ई’ ले सामाजिक सञ्जाल ट्विटरमा लेखेका छन् । : ‘१६५ घण्टापछि उपमेयर आएर भेट्नुभयो। मेरो स्वास्थ्य अवस्था बुझ्दै सुस्वास्थ्यको कामना पनि गर्नुभयो,’ ‘फुटपाथ व्यवसायीहरूलाई विकल्प दिने नीति बनाउन आफूले प्रयास गर्ने तर आफ्नो भूमिका सीमित रहेको बताउनुभयो ।’ अभियन्ता ‘ई’ एक हप्तादेखि राष्ट्रियसभा गृह अगाडि उभिरहेका छन् । महानगरले सडक पेटीमा व्यापार निषेध गरेको छ ।
