काठमाडौं । कञ्चनपुरमा ट्र्याक्टरको ठक्करबाट एक जनाको मृत्यु भएको छ ।
कञ्चनपुरको भीमदत्त नगरपालिका वडा नम्बर २ भाँसीमा ट्र्याक्टरले मोटरसाइकललाई ठक्कर दिँदा मोटरसाइकल चालकको मृत्यु भएको हो । मृत्यु हुनेमा भीमदत्त नगरपालिका वडा नम्बर १ बाराकुण्डा बस्ने ३५ वर्षीय तेजसिंह धामी रहेकोे प्रहरीले जनाएको छ ।
पूर्व पश्चिम राजमार्ग अन्तर्गत पर्ने भाँसी स्थित आज बिहान ९ बजेतिर से १ त ९६६८ नम्बरको ट्र्याक्टरले बाटो किनारमा रोकिराखेको से २ प ५६५८ नम्बरको मोटरसाइकललाई ठक्कर दिएको थियो ।
प्रहरी का अनुसार वेदकोट नगरपालिका वडा नम्बर १० बस्ने ट्र्याक्टर चालक २५ वर्षीय राकेश रानालाई नियन्त्रणमा लिई थप अनुसन्धान भइरहेको छ ।