काठमाडौं । काठमाडौंमा आफ्नै घरको छतबाट खस्दा एकजनाको मृत्यु भएको छ ।
मृत्यु हुनेमा नागार्जुन नगरपालिका वडा नम्बर ४ सीतापाइलाका ३७ वर्षका जितेन्द्र श्रेष्ठ रहेकोे प्रहरी ले जनाएको छ ।
आज दिउँसो श्रेष्ठ पानी भर्ने क्रममा चिप्लेर पाँचौं तलाबाट खस्दा गम्भीर घाइते भएका थिए । उनलाई उपचारका लागि सीतापाइलाको शुभेच्छा अस्पताल लगिएको थियो ।
श्रेष्ठ लाई अस्पतालले मृत घोषणा गरेको प्रहरी परिसर काठमाडौंका एसपी दिनेशराज मैनालीले जानकारी दिएका छन् ।