काठमाडौं । काठमाडौं महानगरपालिकाको नीति तथा कार्यक्रम आज सार्वजनिक हुने भएको छ । महानगरपालिकाले आज दिउँसो ३ बजे राष्ट्रिय सभा गृहमा नीति तथा कार्यक्रम सार्वजनिक गरिने महानगरपालिकाका प्रवक्ता बसन्त आचार्यले जानकारी दिएका छन् ।
आजै दिउँसो प्रस्तुत हुने नीति तथा कार्यक्रममाथिको छलफलका लागि कार्यपालिका बैठक अहिले बसिरहेको छ । यद्यपि उक्त बैठक आज प्रत्यक्ष प्रशारण गरिएको छैन ।
महानगरमा बहुमतमा काँग्रेस, दोस्रोमा एमाले र तेस्रोमा एकीकृत समाजवादी रुपमा रहेकाले ती सबैका नीति कार्यक्रम पनि समेट्ने प्रयास भएको बुझिएको छ ।
नीति कार्यक्रम पछि आगामी असार १० गते महानगरपालिकाको बजेट सार्वजनिक हुने छ ।