बुटवल । बुटवलमा पेट्रोलियम पदार्थको मूल्य वृद्धि फिर्ता लिन माग गर्दै प्रदर्शन भएको छ।
नेकपा एमाले निकट अनेरास्ववियुले बुटवल बहुमुखी क्याम्पस अगाडि सडकमा जम्मा भएर मूल्य वृद्धि फिर्ता गर्न माग गर्दै सडकमा प्रदर्शन गरेका छन्। टायर बालेर प्रदर्शन गरे पछि अनेरास्ववियुले केहीबेर सवारी साधनलाई समेत रोक लगाएका छन् ।
प्रदर्शनमा बोल्दै अनेरास्ववियु रुपन्देहीका अध्यक्ष शेषकान्त पोखरेलले सरकारले नागरिकलाई राहत दिनुको साटो निरन्तर मूल्य वृद्धि गरेर जनताको ढाड सेकेको आरोप लगाएका छन् ।
मूल्य वृद्धि तत्काल फिर्ता नभए जिल्लाव्यापी आन्दोलन चर्काउने समत उनले चेतावनी दिएका छन् ।