काठमाडौं । धरान उपमहानगरपालिकाका नगर प्रमुख हर्कराज साम्पाङले आफ्नो कार्यकक्षमा तोडफोड गर्ने दुई जनाविरुद्ध प्रहरीमा जाहेरी दिएका छन् । बराह पीडित संघर्ष समितिका संयोजक खगेन्द्र नेपाली र समितिका प्रवक्ता प्रदिप बाँस्तोलाविरुद्ध जाहेरी दिएको बताइएको छ ।
बराह बचत तथा ऋण सहकारीबाट ठगीएका पीडित संघर्ष समितिले आइतबार नगरप्रमुख साम्पाङविरुद्ध नाराबाजी गर्दै कार्यकक्षको सिसा समेत तोडफोड गरेका थिए । वार्ताको लागि तयारी भइरहेको बेला नगर प्रमुख साम्पाङले ‘मलाई सोधेर रकम राखेको हो ?’ भनेपछि आक्रोसित पीडितहरुले कार्यकक्षमा तोडफोड गरेका थिए ।
उनीहरुलाई पक्राउ गर्नका लागि अदालतबाट पूर्जी लिने तयारी भइरहेको प्रहरीले जनाएको छ ।